UZ

Сўнгги янгиликлар

17:19Ўзбекистонда футболни ривожлантиришга оид навбатдаги қарор эълон қилинди 0 16:58Уайт - Поветкин жанги қачон ўтказилиши маълум қилинди 0 16:35WADA рўйхатни янгилайди 0 16:14Колумбиялик велоспортчилар "Тур де Франс"да иштирок эта олишмайди 0 15:53Данияда мухлислар ўйинни стадионда томоша қилишмоқда, аммо... (+ФОТО) 0 15:32Украинада ҳам бокс шоуси ташкил қилишмоқчи 0 15:11Конор ишлаб чиқарган илк вискининг кимга совға қилингани маълум, у - Президент! 0 14:50Жошуа Пулевга қарши жанг Британияда ўтказилишини истамоқда 0 14:39"Реал" 2020 йилнинг энг қиммат футбол клуби. "Ювентус" ТОП-10дан чиқиб кетди 0 14:18Жастин Гэтжи: "Конорга қарши жанг қилишдан маъно йўқ" 1 13:57Денис Истомин: Жокович томондаман. Мени ҳам айбланглар! 0 13:36Конор Хабиб – Жастин жанги ғолиби билан тўқнаш келади 0 13:15“Бавария” клуб рамзи туширилган ниқоблар сотувидан 250 минг евро ишлаб олди 0 12:54Дунёнинг 405-ракеткаси бош совринга эга чиқди 0 12:33Петра Прагадаги турнир ғолибасига айланди 0

11 сен 19:09
Янгиликлар

Дзюдо

Бугун Ўзбекистоннинг энг совриндор спортчиси Ришод Собиров таваллуд топган кун!

Бугун Ўзбекистон дзюдочи ва спорти тарихидан жой олишга муваффақ бўлган, Олимпия ўйинларининг уч карра бронза медали совриндори, икки карра жаҳон чемпиони, Осиё чемпиони, "Ўзбекистон Республикасида хизмат кўрсатган спортчи", "Ўзбекистон ифтиҳори" фаҳрий унвони соҳиби, "Эл-юрт ҳурмати" ордени эгаси Ришод Собиров ўз таваллуд айёмини нишонлаяпти.

Ришод Рашидович Собиров 1986 йилнинг 11 сентябрида Бухоро вилоятининг Жондор тумани, Бурбоғи қишлоғида туғилган. Дзюдо билан 11 ёшида Рустам Тўраев қўл остида шуғулланишни бошлаган. Халқаро мусобақаларга Фурқат Солиев ва Борис Григорьев каби мураббийлар қўл остида тайёргарлик кўрган ҳамда иштирок этган.

Ришод илк халқаро миқёсдаги совринини 2006 йилда қўлга киритган. Ўшанда қаҳрамонимиз Хитой Тайпейида бўлиб ўтган ёшар ўртасидаги Осиё чемпионатида биринчи ўринни эгаллаганди. Орадан бир йил ўтиб эса у катталар ўртасидаги Осиё чемпионатида финалгача етиб борган ва иккинчи ўрин эгасига айланган.

2008 йилда Ўзбекистон чемпионига айланган спортчи мамлакат терма жамоаси таркибидан ҳам жой олади ва Олимпиадага йўлланмани қўлга киритади. Пекинда бўлиб ўтган Олимпия ўйинларида 60 кг гача бўлган вазн тоифасида у бронза медали соҳибига айланган.

2010 йилда эса Ришод Собиров Токиода бўлиб ўтган жаҳон чемпионатида ғолибликни қўлга киритади. Орадан бир йил ўтиб, Парижда ушбу муваффақиятини яна такрорлайди.

2012 йили Лондонда бўлиб ўтган Олимпиадада дзюдочи ярим финалгача етиб борган. Бироқ, якунда яна бронза медали билан кифояланишга мажбур бўлган.

2016 йили Бразилияда бўлиб ўтган Рио Олимпиадасида спортчи яна бронза медалини қўлга киритган ва учта олимпиадада медаль қўлга киритган кам сонли дзюдочилардан бирига айланиб олади.

Профессионал спортдаги фаолиятини якунлаганидан сўнг Тошкентда Ришод Собировнинг дзюдо мактаби очилди. "Динамо" спорт мажмуасида фаолият юритаётган дзюдо мактабида янги Ришод Собировлар камол топмоқда. 

Фурсатдан фойдаланиб, Ришод Собировни бугунги унутилмас кун муносабати билан чин қалбдан муборакбод этамиз.  

Совринлари:

Олимпиада: 3 та бронза

Жаҳон чемпионати: 2 та олтин, 1 та бронза

Жаҳон кубоги/Гран-При/Катта Дубулға: 10 та олтин, 4 та кумуш, 1 та бронза

Осиё чемпионати: 1 та олтин, 1 та кумуш, 2 та бронза

Ёшлар ўртасидаги Осиё чемпионати: 1 та олтин

Бухоро давлат университетини тамомлаган.

Ҳарбий хизматчи

Мукофотлари:

Халқаро тоифадаги спорт устаси (2003)

"Ўзбекистон Республикасида хизмат кўрсатган спортчи" фаҳрий унвони (2008)

"Ўзбекистон Республикаси Мустақиллигига 20 йил" эсдалик нишони соҳиби (2011)

"Ўзбекистон ифтиҳори" фаҳрий унвони соҳиби (2012)

"Эл-юрт ҳурмати" ордени соҳиби (2016)

Рейтинг: +1   

Фикрлар

   
12 сен 00:10:53
SHaxrihon
Муборак булсин.
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг