17 дек 08:46
Янгиликлар

Спорт курашлари

Бугун Рашид Қурбонов жаҳон Кубогидаги иштирокини бошлайди

Шу кунларда Сербия пойтахти Белград шаҳрида спорт курашлари бўйича жаҳон Кубоги давом этмоқда.

Кеча ушбу мусобақада эркин кураш беллашувлари бошланди. Жаҳон Кубоги шахсий ҳисобда ўтказилаётгани ҳамда Европадаги пандемик вазият туфайли Ўзбекистон терма жамоаси Сербияга бормади. Лекин у ерда бир нафар курашчимиз бўлади.

Эркин кураш бўйича жаҳон чемпионати совриндори, Осиё ўйинлари ғолиби, икки карра Осиё чемпиони Рашид Қурбонов жаҳон Кубогида юртимиз шарафини ҳимоя қилади.

Қуръа натижасига кўра у 1/8 финалдан баҳсларга киришади ва бу босқичда германиялик Эдуард Татаринов билан беллашади. Агар Қурбонов ушбу баҳсда рақибини мағлубиятга учратса, чорак финалда Аюб Барраж (Тунис) - Васил Михайлов (Украина) жуфтлиги ғолибига қарши гиламга чиқади.