20 дек 07:56
Янгиликлар

Теннис

Бугун Саидаъло ярим финал чиптаси учун кортга чиқади

Покистон пойтахти Исломобод шаҳри мезбонлик қилаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.

Соврин жамғармаси 15 000 АҚШ долларини ташкил қилувчи ушбу мусобақада ҳамюртимиз Саидаъло Саидкаримов ҳам иштирок этяпти. Саидаъло илк даврада покистонлик Мудассар Муртазани 6:3, 6:1, иккинчи босқичда таиландлик Воровин Кумтонкитиккулни 1:6, 6:1, 6:1 ҳисобида мағлуб этди.

Бугун истеъдодли теннисчимиз чорак финал учрашувини ўтказади. Саидкаримов ярим финал чиптаси учун Буюк Британия вакили Шамаэль Чаудхрига қарши кортга чиқади. Чаудхри кеча иккинчи давра учрашувида турнирнинг бешинчи ракеткаси швециялик Никлас Йоханссонни 6:3, 6:2 ҳисобида енгди.