Бугун Шацких жамоаси "Зенит" билан ўйнайди + ПРЕВЬЮ

7 август куни мамлакат Суперкубогида ўзаро тўқнаш келган клублар дастлабки турни энг охирги бўлиб тугатишади.

Россиянинг амалдаги чемпиони Питернинг "Зенит" клуби 16 йилдан сўнг премьер-лигага қайтган Волгограднинг "Ротор" клуби билан тўқнаш келади. Айни пайтда "Ротор"да Александр Хацкевич бош мураббий сифатида ишламоқда. Унга ўзбекистонлик Максим Шацких ёрдам бермоқда.

Бугунги учрашувда "Зенит" яққол фаворит эканини барча яхши тушуниб турибди. Россия биринчи лигаси пандемия туфайли 15 март куни тўхтатилган ва мавсум 27-турда тугатилганди. "Ротор" 4 ойдан кўпроқ муддат давомида расмий ўйинларда иштирок этгани йўқ. "Зенит" эса Россия чемпиони бўлди, мамлакат кубоги ва Суперкубогини қўлга киритди.

"Ротор" ўз вақтида "Спартак"да ўйнаган Жано Ананидзени ўз сафига қўшиб олди. Кўпчилик айнан Ананидзенинг ўйинларини кутмоқда. Ўзбекистонлик Виталий Денисов эса "Ротор"ни тарк этди.

"Зенит"нинг энг машҳур трансфери эса "Ливерпуль"дан Деян Ловреннинг олиб келгани бўлди. Жамоани Бранислав Иванович, Игорь Смольников, Олег Шатов, Эмануэль Маммана ва Йордан Осорио тарк этди.

Ушбу жамоалар ҳозирга қадар 48 марта ўзаро ўйин ўтказишган. Устунлик "Ротор" томонида: 19 та ғалаба, 11 та дуранг ва 18 та мағлубият.

"Ротор" - "Зенит"
11 август. Волгоград. "Волгоград Арена" стадиони. 20:00.
Бош ҳакам - Алексей Матюнин (Москва).
Трансляция - "Матч-ТВ, Матч-Премьер".

ТАХМИНИЙ ТАРКИБЛАР:
"Ротор": 4-5-1: Нестеренко, Пискунов, Ионов, Байрыев, Степанов, Султонов, Макаров, Алейник, Серченков, Кипиани, Муллин.
"Зенит": 4-4-2: Кержаков, Караваев, Ловрен, Ракицкий, Дуглас Сантос, Малком, Барриос, Оздоев, Сутормин, Дзюба, Азмун.
Йўқотишлар: йўқ - Андрей Лунев (жароҳат).