11 дек 09:23
Янгиликлар

Теннис

Бугун Шарипова Дубайдаги иштирокини бошлайди

Бугун мамлакатимизнинг биринчи ракеткаси Сабина Шарипова БААнинг Дубай шаҳрида ўтказилаётган турнирнинг яккалик баҳсларида кортга чиқади.

Мусобақанинг соврин жамғармаси 100 000 АҚШ долларини ташкил этади. Ҳамюртимиз илк даврада венгриялик Далма Галфи билан ҳисоб-китоб қилади. Мусобақа ташкилотчилари дунё рейтингида 341-ўринни эгаллаб турган Галфига асосий тўрда тўғридан-тўғри қатнашиш ҳуқуқини берувчи имтиёзли йўлланма тақдим этишган.

Шарипова эса рейтингнинг 141-поғонасидан жой олган. Сабина Дубай турнирининг жуфтлик баҳсларида иштирок этмайди. Яна бир ҳамюртимиз Оқгул Омонмуродова эса айнан жуфтлик турнирида ўз маҳоратини намойиш этади. У яккаликнинг саралаш баҳсларида мағлубиятга учраганди.