13 янв 08:32
Янгиликлар

Бокс/ММА

Бугун WBO Oriental камари соҳиби Олимжон Назаров ва яна бир ҳамюртимиз Абдурасул Исмоилов Кореяда рингга кўтарилади

Бугун Жанубий Кореянинг Инчеон шаҳрида "Cocky Buffalo" промоутерлик компанияси ўзининг навбатдаги профессионал бокс оқшомини ўтказади.

Хабар берганимиздек, мусобақа доирасида икки нафар вакилимиз жанг қилади.

Жумладан, ўта енгил вазн тоифасида WBO Oriental камари соҳиби Олимжон Назаров (28-5-0) ушбу турнир доирасида хитойлик Вулан Туолеҳази (15-5-2) билан жанг қилади.

Бундан ташқари, биринчи ярим ўрта вазн тоифасидаги ҳамюртимиз Абдурасул Исмоилов (10-2-0) ҳам ушбу турнир доирасида рингга кўтарилади. Унга яна бир Хитой вакили Вейвей Лиу (4-2-0) рақиблик қилади.

Жанглар кечаси Тошкент вақти билан 14:00 да старт олади. Мусобақани мазкур саҳифа орқали кузатиб боришингиз мумкин.

Эслатиб ўтамиз, Олимжон Назаров сўнгги жангини 2023 йил январь ойида таиландлик Жакравут Мажунгонга қарши ўтказиб, очколар ҳисобига кўра ғалаба қозонган эди. Бу Назаров учун еттинчи ҳимоя жанги бўлади.

Абдурасул Исмоилов эса охирги жангини 2023 йил август ойида япониялик Коки Иноуэга қарши ўтказиб, муддатидан олдин мағлуб бўлган эди.

Турнирнинг тўлиқ карди: