Бунақаси бўлмаган! Хокит иккиталик бонус ва Дональд Трамп тавсияси билан Оқ уй турнири учун жанг олди

Эътиборлиси шундаки, тажрибали Кёртис Блэйдсни мағлубиятга учратишга муваффақ бўлган Жош Хокит ўзининг ёрқин жанги эвазига ҳар бири 100 000 доллардан иборат иккиталик бонусни қўлга киритди. Камига АҚШ президенти Дональд Трамп тавсияси билан Оқ уйдаги турнир кардига киритилди. У 14 июнь куни ўтказиладиган байрам турнирида Деррик Льюисга қарши октагонга чиқади. Жош иштирокидаги жанг турнирнинг энг яхшиси деб топилди. "Ёрқин иштирок учун" бонус ҳам айнан Хокитга топширилди. 

"Ёрқин иштирок учун" иккинчи бонус Янги Зеландия вакили Карлос Улбергга насиб этди. У оқшомнинг асосий жангида оёғидан жароҳат олганига қарамай, биринчи раунднинг тўртинчи дақиқасида чехияик собиқ чемпион Иржи Прохазкани чап қўл хук зарбаси билан нокаутга учратди ва ярим оғир вазнда вакант бўлиб турган UFC чемпионлик камарини қўлга киритди. 

Бундан ташқари, қўшимча 25 000 долларлик бонуслар муддатидан аввал ўз жангларини якунлаган Пауло Коста, Каб Свонсон, Матеуш Гамрот, Татьяна Суарес ва Висенте Лукега тақдим этилди.