25 авг 14:31
Янгиликлар

Шахмат

Бутунжаҳон ўсмирлар Олимпиадасида муваффақиятли иштирок этган шахматчиларимиз муносиб кутиб олинди

Жорий йилнинг, 16–23 август кунлари Колумбиянинг Барранкилья шаҳрида 16 ёшгача бўлган ўсмирлар ўртасида Бутунжаҳон шахмат олимпиадаси бўлиб ўтди.

Мазкур нуфузли мусобақада дунёнинг 40 мамлакатидан 340 нафар ёш шахматчидан иборат 85 та жамоа иштирок этди. Мусобақада ҳамюртларимиз фахрли 2-ўринни қўлга киритишди.

Тонгда И. Каримов номидаги Тошкент халқаро аэропортида спортчиларимиз Спорт вазири ўринбосари Шахрилло Махмудов, Ўзбекистон шахмат федерацияси раисининг ўринбосари Комилжон Синдаров, кенг жамоатчилик вакиллари ва оммавий ахборот воситалари вакиллари иштирокида кутиб олинди.