Бутунжаҳон ёзги Универсиада ўйинларида Ўзбекистон қайси спорт турларида иштирок этади?

Cпорт вазири ўринбосари Шаҳрилло Маҳмудов бошчилигида Германияда бўлиб ўтадиган Бутунжаҳон ёзги Универсиада ўйинларида Ўзбекистон спорт делегацияси иштирокини муваффақиятли таъминлаш масалалари муҳокама қилинди. 

Йиғилишда Талабалар спорт ассоциацияси вакиллари ҳамда спорт турлари бўйича федерация ва ассоциациялар масъуллари иштирок этишди. 

Таъкидлаш лозимки, Ўзбекистон спорт делегацияси мазкур мусобақада 11 та спорт тури (камондан отиш, спорт гимнастикаси, енгил атлетика, сувга сакраш, дзюдо, бадиий гимнастика, эшкак эшиш, сузиш, стол теннис, таеквондо WТ ва теннис)  бўйича олий таълим муассасаларида таҳсил олувчи талаба спортчилар билан иштирок этиш режа қилинган.

Йиғилиш давомида, спортчиларнинг мусобақаларда муваффақиятли иштирок этишда спортчиларнинг жисмоний ва руҳий тайёргарликларига жиддий эътибор қаратиш, шунингдек мусабақа билан боғлиқ бошқа ташкилий масалалар муҳокама қилинди. 

Маълумот учун, Бутунжаҳон ёзги Универсиада ўйинлари Бутунжаҳон Университетлар спорти федерацияси (FISU) томонидан ҳар икки йилда бир маротаба ташкил этиладиган нуфузли мусобақа ҳисобланади. Делегациямизнинг биринчи қисми 14 июль куни Германияга жўнаб кетади.