Бухоро “Фьючерс”. Султонов ва Файзиевни тўхтатишди

Соврин жамғармаси 25 000 АҚШ долларини ташкил қилувчи мусобақанинг яккалик баҳсларида иштирокини давом эттираётган икки ҳамюртимиз чорак финал учрашувларида кортга чиқишди ва афсуски уларнинг ҳар иккиси ҳам мағлубият аламини тотиб кўришди. 

Асосий тўрга имтиёзли йўлланма асосида қўйилган Ҳумоюн Султонов ярим финал чиптаси учун кечган баҳсда турнирнинг тўртинчи ракеткаси россиялик Евгений Тюрневга 4:6, 2:6, Файзиев эса иккинчи рақам остида ҳаракат қилаётган яна бир рус теннисчиси Константин Кравчукка 2:6, 6:3, 2:6 ҳисобида имкониятни бой берди.