Бухорода “Фьючерс” турнири старт олмоқда, Султонов биринчи рақамда сараланди

Соврин жамғармаси 15 000 АҚШ долларини ташкил қилувчи мусобақада бугун саралаш баҳслари ўтказилади. Дунёнинг бир нечта давлатлари қаторида ўзбекистонлик теннисчилар ҳам турнир бош соврини учун баҳс олиб боришади. 

Истеъдодли теннисчимиз Ҳумоюн Султонов мусобақанинг биринчи ракеткаси сифатида сараланди. Саидаъло Саидкаримов эса бешинчи рақам остида ҳаракат қилади. Қолган 18 нафар теннисчимиз турнирнинг саралаш баҳсларида ўз омадини синаб кўради. 

Эслатиб ўтамиз, Ҳумоюн Султонов кеча Қарши шаҳрида якунланган “Фьючерс” туркумига кирувчи турнирнинг яккалик баҳсларида бош совринга эга чиққанди. Санжар Файзиев эса жуфтлик баҳслари ғолибига айланган эди.