Cамарқандда 200 000 000 мукофот пулига эга Uzbekistan Judo Tour ғолиблари аниқланди

Мамлакатимизнинг деярли барча ҳудудларидан келган дзюдочилар 4 та вазн тоифасида ғолиблик учун татамига чиқишди. Якунда ўз вазнларида Шукуржон Аминова, Абдураҳмон Саъдуллаев, Миржалол Тўхтаев ва ёш полвонимиз Фазлиддин Рафиқов Samarqand Uzbekistan Judo Tour шоҳсупасининг энг юқори поғонасига кўтарилишди. 

Анваржон Иброҳимов, Артём Штурбабин, Муҳриддин Тиловов, Севинч Исоқова сингари терма жамоага номзод дзюдочиларнинг совринли ўринларсиз қолиши беллашувларнинг қанчалик муросасиз кечганидан дарак бермоқда. Uzbekistan Judo Tour мусобақасини ўтказишдан кўзланган асосий мақсад ҳам янги истеъдодларни кашф этишдан иборат. 

Мусобақанинг умумий мукофот жамғармаси 200 миллион сўмдан иборат бўлиб, ғолиблар 22, кумуш медаль эгалари 14 ва бронза медаль соҳиблари 7 миллион сўмга эга чиқишди.  

Samarqand Uzbekistan Judo Tour ғолиб ва совриндорлари

-63 кг вазн тоифаси

1. Шукуржон Аминова (Хоразм)

2. Маржона Нуруллоева (Самарқанд)

3. Сарвиноз Ҳусанова (Самарқанд)

3. Фарангиз Режепова (Бухоро)

-66 кг вазн тоифаси

1. Абдураҳмон Саъдуллаев (Тошкент шаҳри)

2. Асадбек Мисиров (Самарқанд)

3. Азизбек Ҳимматов (Навоий)

3. Шоҳруҳ Ибадуллаев (Хоразм)

-81 кг вазн тоифаси

1. Миржалол Тўхтаев (Самарқанд)

2. Тўлқин Очилов (Қорақалпоғистон)

3. Муҳаммаддўст Эшдавлатов (Қашқадарё)

3. Саъдулла Равшанов (Қашқадарё)

+90 кг вазн тоифаси

1. Фазлиддин Рафиқов (Тошкент шаҳри)

2. Жалолиддин Қурбонмуротов (Қашқадарё)

3. Қаҳрамон Раҳмонов (Қашқадарё)

3. Тимур Салам-Зада (Самарқанд)