03 авг 08:29
Янгиликлар
Теннис
Canadian Open. Камилла Раҳимова машҳур Винус Уильямсга имкон қолдирмади
Хабар берганимиздек, Торонто шаҳри шу кунларда теннис бўйича WTA 1000 тоифасига кирувчи, мукофот жамғармаси 7 млн 433 минг 76 АҚШ долларини ташкил этувчи нуфузли турнирга мезбонлик қилмоқда.
Мусобақа мамлакатимиз вакилаларининг иштироки ҳам давом этяпти.
Кеча Ўзбекистоннинг биринчи ракеткаси Камилла Раҳимова асосий тўрнинг илк даврасида америкалик Винус Уильямсга қарши кортга чиқди. 1 соат, 29 дақиқа давом этган учрашувда Раҳимова 2:0 (6/4, 6/1) ҳисобида қийинчиликсиз ғалабага эришди.
Ҳамюртимизнинг иккинчи даврадаги рақибаси чехиялик 30 ёшли Катерина Синякова бўлади. Беллашув 6 август куни ўтказилиши режалаштирилган.
Маълумот учун, 24 яшар Камилла Раҳимова ҳозирда WTA рейтингида 82, 46 ёшли Винус Уильямс эса 664-ўринни эгаллаб турибди. Камилланинг бўлажак рақиби Катерина Синякова эса Жаҳон рейтингида 36-ўринда қайд этилган.
Ҳавола :
Манба : olamsport.com
Фикрлар