Царукян Руффи билан илк кўз уриштириш маросимини ўтказди: "Унинг кўзларида қўрқувни ҳис қилдим"

"Бу спортда ҳеч нарса кафолатланмаган. Ҳар доим тайёр бўлиш ва исталган рақибни мағлуб етиш керак. Агар менга яна бир жанг беришса – ютаман. Ўнта беришса – ўнтасини ҳам ютаман. Ва охир-оқибат, мен барибир чемпион бўламан", – деди россиялик жангчи MMA Fighting нашрига берган интервьюсида.

Царукян навбатдаги жанги чемпионлик учун бўлишини кутган еди, бироқ Жастин Гэтжи сенсацион тарзда Илия Топурияни мағлуб етиб, чемпионлик камарини қўлга киритгач, жорий йилда октагонга қайтмаслигини очиқ айтди. Шу сабабли Арман бекор қолмаслик учун жангни қабул қилишга рози бўлди.

"Мен чемпионлик жангини кутаётган едим, лекин Гэтжи бу йил жанг қилишни истамаяпти. Шунинг учун менга деярли ўзимнинг уйим ҳисобланган Лос-Анжелесда чиқиш қилиш имкониятини беришди ва мен рози бўлдим. Менга Оливейрани таклиф қилишди – мен "ҳа" дедим. Афсуски, у дўсти билан боғлиқ вазият туфайли жангдан чиқиб кетди, лекин Руффи ҳам ажойиб рақиб. Курашчи зарбачига қарши. Ўйлайманки, мухлисларга бу жанг ёқади ва мен ҳам уни интиқлик билан кутяпман!, – дея қўшимча қилди топ-енгил вазнли жангчи.

Узоқ танаффусга қарамай, Царукян бекор ўтирмади: у Real American Freestyle (RAF) лигасида ва турли грепплинг мусобақаларида фаол иштирок етди. Бироқ UFC енгил вазн тоифасида чемпионлик камарини қўлга киритгач, у октагондаги чиқишларига диққатини қаратмоқчи.

"Умид қиламанки, UFC`да фаол жанг қиламан. Чемпион бўлганингда, имкон қадар тез-тез жанг қилишинг мумкин. Айнан шунинг учун ҳам чемпион бўлишни истайман – доимий жанг қилиш учун. Мен ёшман ва очман. Қолаверса, енгил вазн учун унчалик катта эмасман. Мен бемалол вазн ташлаб, йилига камида уч марта жанг қила оламан", – деб хулоса қилди Царукян.

Шунингдек, россия-арманистонлик жангчи Филадельфияда бўлиб ўтган бразилиялик рақиби билан илк кўз уриштириш (face to face) маросими таассуротлари билан ҳам ўртоқлашди.

"Биринчи кўз уриштириш маросими яхши ўтди. Унинг кўзларида қўрқувни ҳис қиляпман. Шундай экан, UFC 331 бизнинг оқшомимиз бўлади!", – деди Царукян.

Маълумот учун, UFC 331 турнири 19 сентябрь куни Лос-Анжелес шаҳрида бўлиб ўтади ва бу енгил вазнлиларнинг беш раундлик жанги турнирнинг иккинчи асосий воқеаси бўлади.