11 янв 08:25
Янгиликлар

Бокс/ММА

Царукян UFC 324 турнирининг асосий жангини суғурталамайди

UFC 324 турнирига икки ҳафта қолганида Арман Царукян енгил вазнда Жастин Гэтжи ва Пэдди Пимблетт ўртасидаги вақтинчалик чемпионлик камари учун жангни суғурта қилмаслигини айтди.

Россиялик аралаш яккакураш устасининг сўзларига кўра, ташкилот раҳбарияти унга ушбу жангда захирада бўлишни сўраб мурожаат қилмаган, шу боисдан ҳам у вазн ташлашни режалаштирмаяпти.

"UFC билан гаплашганим йўқ ва шундан келиб чиқиб вазн ташламайман. Чунки бу оғир ва мураккаб жараён. Агар улар мендан сўрашганида, мен буни амалга оширган бўлардим. Лекин менга ҳеч ким бу ҳақда индамади. Бу мен учун яхши - таваккал қилиб ортиқча вазн ташлаш ишидан фориғ бўламан. Жанг қилишим аниқ бўлганда вазн ташласам яхши. Буни шунчаки пул учун қилмоқчи эмасман. Мен июнь ойида ҳам вазн ташлаганман, лекин ўшанда ҳам ҳеч нарса бўлмаганди. Кучимни машғулот йиғини ва вазн пойгаси учун беҳуда сарфлагандим. Вазн ташлаш - бу ҳар доим стресс", - деди Царукян.