Царукяннинг 5 кундан кейин ўтказиши белгиланган жанги бекор қилинди

Асли арманистонлик аралаш якка кураш устасининг Hype Brazil турнирида Диллон Денисга қарши грепплинг беллашуви белгиланганди. Лига мусобақанинг янги хедлайнери UFC’нинг энг яхши ярим енгил вазн тоифасидаги вакили Жан Сильва бўлишини расман эълон қилди, унинг рақиби кейинроқ маълум бўлади. 

Муҳимлиги жиҳатидан иккинчи баҳсда UFC’нинг энг енгил дивизиони жангчилари Дейвесон Фигередо ва Рауль Росас Жуниор грепплинг бўйича ўз маҳоратларини намойиш этади.

Аввалроқ Арман Царукян 18 апрель куни RAF кураш лигасининг навбатдаги турнирида иштирок этиши, унда аралаш яккакурашлар фахрийси Юрая Фейбер билан гиламни бўлишиши маълум бўлганди.

Диллон Денис билан тўқнашувда россиялик ўтган ойда Муҳаммад Мокаевни ортдан бўғиб, қўлга киритган Hype Fighting чемпионлик камарини ҳимоя қилиши керак эди.