Чарльз Оливейра ярим енгил вазн UFC камарини ҳам кўзламоқда

"Биз бу мавзуда жамоам билан бир неча маротаба гаплашдик. Ўзимни ҳозир ҳам ярим енгил вазн тоифаси вакили сифатида ҳис қиляпман. Агар Дана Уайт менга шу имкониятни тақдим этса, бажонидил ярим енгил вазн чемпионлик камари учун жанг қилган бўлардим. Мен бунга тайёрман", - деди кечаги жангдан кейинги матбуот анжуманида Оливейра.

Эслатиб ўтамиз, 31 ёшли Чарльз Оливейра кеча америкалик Майкл Чендлерни иккинчи раундда техник нокаутга учратиб, UFC енгил вазн тоифасининг янги чемпионига айланган эди. Бразилияликнинг кейинги рақиби катта эҳтимол билан Конор Макгрег - Дастин Порье жанги ғолиби бўлади. Трилогия 10 июль куни АҚШнинг Лас-Вегас шаҳрида UFC 264 турнири доирасида ўтказилади. 

Таъдкидлаш жоиз, Чарльз Оливейра ярим енгил вазн тоифасида 12 та жанг (7 ғалаба, 5 мағлубият) ўтказишга улгурган. Тўртта жангда белгиланган вазн меъёрини ҳам бажара олмаган. Айни пайтда бу вазнда австралиялик Александр Волкановски UFC чемпиони ҳисобланади.