"Челси" Энцо Фернандеснинг эҳтимолий трансферига захира вариантларни топиб қўйди

"talkSPORT" хабарига кўра, "Сити" Энцони улар томонидан белгиланган 120 миллион фунтлик нархда сотиб олиш дедлайнини ўтказиб юборганига қарамай, Фернандес бўйича таклиф билан чиқиш ниятидан қайтгани йўқ.

"Челси" кутилмаган вазиятда қолиб кетишни хоҳламайди, шу сабабли илгари "Реал" ҳақида орзу қилган, аммо Мадриддан таклиф кутиб ололмаган 25 ёшли аргентиналик футболчи билан эҳтимолий хайрлашувга олдиндан тайёргарлик кўрмоқда.

Таъкидланишича, Фернандес сотилган тақдирда "Челси" қуйидаги тўртта вариантдан бирига мурожаат қилиши мумкин: "Борнмут"дан Алекс Скотт, "Кристал Пэлас"дан Адам Уортон, "Рома"дан Ману Коне ва "Реал"дан Эдуарду Камавинга.

Дастлабки икки футболчи — Скотт ва Уортон Премьер-лигада ўйнаш тажрибасига эга бўлган ўйинчилар сифатида "Челси" учун приоритет ҳисобланади.