12 ноя 09:07
Янгиликлар

Бокс/ММА

Чемпион Бивол P4P ESPN рейтингида 7-поғонага кўтарилди

Мағлубият нималигини билмай келаётган россиялик Дмитрий Бивол вазн тоифасидан қатъи назар P4P ESPN рейтингида кўтарилишга эришди.

Яримоғир вазн тоифасида амалдаги WBA Super чемпиони шу йил ҳисобидан иккита муҳим ғалабани қўлга киритди. Аввалига май ойида фаолиятидаги энг катта ютуққа эришди. У мексикалик Сауль "Канело" Альваресни мағлубиятга учратди.

Ўтган шанба куни эса бошқа бир мағлубият нималигини билмай келган мексикалик Хильберто Рамиресни очколар ҳисобига кўра таслим этди. Айнан шу ғалабаси эвазига Бивол рейтингда еттинчи поғонага кўтарилиб олди. P4P ESPN рейтингида америкалик жаҳон чемпиони Теренс Кроуфорд пешқадамлик қиляпти.