Чемпион Наваррете Мехикодаги жангда рингга чиқди

Кечанинг марказий жанги биринчи ярим енгил вазн тоифасида ўтказилиб, унда  25 ёшли жаҳон чемпиони Эммануэль Наваррете унчалик ҳам таниқли бўлмаган Уриэль Лопесга қарши рингга кўтарилди. Бу чемпионлик мақомидаги жанг эмас эди. 

Жангнинг олтинчи раундида Наваррете рақибини иккинчи бор нокдаун ҳолатига тушириб қўйди. Биринчи нокдаун бешинчи раундда қайд этилганди. Иккинчи нокдаундан кейин рефери жангни тўхтатишга мажбур бўлди. 

CompuBox берган маълумотга кўра, Наваррете жанг давомида рақибига 571 та зарба йўллади. Зарбалардан 190 таси аниқ чиққан. Лопес эса 252 зарбадан бор йўғи 49 тасини чемпионга теккиза олган.

Аслида Наваррете Муроджон Аҳмадалиев билан бир вазн тоифасида жанг ўтказарди ва WBO йўналиши чемпиони ҳисобланарди. Энди у вазнини биттага кўтарди ва янги вазнда дебют жангини ўтказди. 55,3 кг вазндаги камар эса вакант қолди.