24 авг 18:11
Янгиликлар
Бокс/ММА
Чемпион Немков Бейдернинг реванш ҳақидаги сўровига жавоб берди
Ярим оғир вазн тоифасида амалдаги Bellator чемпиони Вадим Немков ушбу камарнинг собиқ эгаси Райан Бейдерга қарши реванш жанги ўтказадими?
Россиялик чемпион бу саволга жавоб берди. У якшанба тонгида ўтказилган турнирнинг марказий жанги иккинчи раундида Бейдерни техник нокаутга учратган эди.
"Агар бу жанг Bellator учун қизиқ бўлса, мен реванш жангига тайёрман. Лекин ўйлашимча, бу жанг энди омма учун қизиқ бўлмайди. Жанг қилган тақдиримда ҳам бу Бейдернинг оғир вазндаги камари учун бўлади", — деди Немков.
Маълумот учун, 28 ёшли Немков ММАда 14 та жанг ўтказиб, 12 та ғалабага эришган. Тўққизта жангни муддатидан аввал якунлаган. Ҳисобида иккита мағлубият бор. 37 ёшли Бейдер эса 27 ғалаба, 6 мағлубият қайд этган. Яна битта жанг ўтказилмаган деб топилган.
Ҳавола :
Фикрлар