12 апр 16:57
Янгиликлар

Бокс/ММА

Чендлер ва Пимблеттнинг ҳам эртанги жанг учун гонорарлари ошкор бўлди

Бизнинг вақт билан эртага тонг саҳарда АҚШнинг Флорида штати Майами шаҳрида UFC 314 турнири бўлиб ўтади.

Оқшомнинг co-main event жанги енгил вазн тоифасида собиқ Bellator чемпиони, америкалик Майкл Чендлер ҳамда британиялик аралаш яккакураш устаси Пэдди Пимблетт ўртасида ўтказилади.

Маълумотларга кўра, Чендлер эртанги жанг учун кафолатланган 500 000, Пимблетт эса 400 000 АҚШ доллари миқдорида гонорар олади.

Майкл ўтган йилнинг 17 ноябрь куни Нью-Йоркда ўтган UFC 309 турнирида собиқ UFC чемпиони бразилиялик Чарльз Оливейрага қарши реванш жанги ўтказиб, очколар ҳисобига кўра ютқазиб қўйганди. Пимблетт эса 6 та ғалабали серия билан келмоқда. У Манчестер мезбонлик қилган UFC 304 турнирида америкалик Кинг Гринни биринчи раунддаёқ бўғиш усули билан мағлубиятга учратган эди.