Черман Валиев Разамбек Жамаловга қарши Париждаги "жанг" ҳақида: "Шубҳасиз, ғалаба қозонгандим"

"Ўйлайманки, мен бу икки кун ичида боримни бердим ва қўлимдан келганини қилдим. Бор кучимни ишга солиб, гилам устида боримни сарфладим. Аввал айтганимдек, Парижда тўртта жанг ўтказдим ва уларнинг тўртталасида ҳам ғалаба қозондим. Шу кунгача жангларни қайтадан кўриб чиқдим ва ҳеч қандай шубҳасиз, ғалаба қозонганимга амин бўлдим. Агар менинг ўрнимда бошқа полвон бўлганида ҳам, у жангни бошқараётганда ҳимояланарди. Мен гиламдан қочмадим, мен шунчаки ҳимояландим ва бу қоидалар доирасида бўлганди.

[Бронза медали учун баҳсда] Истанбулдаги [Жаҳон Олимпия саралашида] ўша мағлубият учун қасос олишга ҳиссий туртки олдим. Ўша пайтда мен ундан устун эканлигимни исботлашим жуда муҳим эди. Мен ўша жангга жуда қатъиятли бўлиб чиқдим ва бор эътиборимни жамладим. Хуллас, Парижда Викторни 6:2 ҳисобида ишончли мағлуб этдим", деди Валиев.

Эслатиб ўтамиз, Разамбек Жамалов ҳамда Черман Валиев Париж Олимпиадаси чорак финали доирасида тўқнаш келишганди. Беллашувда ҳамюртимиз 6:5 ҳисобида ғалабани илиб кетганди.