UZ

Сўнгги янгиликлар

12:28Манба: Усман Нурмагомедов жамоаси билан БААда ҳибсга олинганидан сўнг Россияга қайтди 0 11:47"Пахтакор"га қарши ўйин олдидан "Ал-Иттиҳод" бош мураббийи 6 нафар ёш футболчини асосий жамоага жалб қилди 0 11:13Макгрегор Перрининг устидан мазах қилди 0 10:35Тошкентда дзюдо бўйича ёшлар ўртасидаги Жаҳон чемпионати старт олди 0 09:56Хабиб октагонга қайтиш учун таклиф қилинган 200 миллион доллардан воз кечди 0 09:05ЖЧ-2030`да ҳам сув ичиш учун танаффуслар сақланиб қолиши мумкин 0 08:34Рейтингнинг Топ-3`талигидаги жангчи UFC`дан ҳайдалди 0 08:03Жаҳонгир Нажмиддинов ҳам Octagon 94 турнирида жанг қилади 0 07:32Ёшлар ўртасидаги жаҳон чемпионатининг илк куни 12 нафар дзюдочимиз баҳсларга киришади 0 07:01Маурисио Почеттино "Манчестер Юнайтед" базасига етиб келди ва ишга киришди 0 19:30Богдан Гусков Роберт Уиттакерга мурожаат қилди 0 18:51Илия Топурия: "Мақсадим — Гэтжи билан реванш, аммо..." 0 18:15"Кичкина одамни мағлуб этсам, бу менга ҳеч қандай обрў келтирмайди". Шара Буллет Царукян билан эҳтимолий жанг ҳақида 0 18:10Ёшлар ўртасидаги жаҳон чемпионатига қуръа ташланди (Жуфтликлар) 0 17:42Ўзбекистон терма жамоаси Саудия Арабистони устидан ғалабадан сўнг ФИФА рейтингида бир поғона кўтарилди 0

22 май 09:25
Янгиликлар

Шахмат

Chess Classic Romania 2026. Ниҳоят, Синдаров илк ғалабасига эришди. Пешқадам мағлуб этилди

Руминия пойтахти Бухарест шаҳрида ташкил этилаётган шахмат бўйича мукофот жамғармаси 475 000 АҚШ долларидан иборат нуфузли турнирда 7-тур партиялари ўйналди.

Мусобақада юқори рейтингга эга ўн нафар гроссмейстер бош соврин учун кураш олиб боряпти. Улар орасида "Номзодлар турнири" ғолиби Жавоҳир Синдаров ҳам бор. Ҳамюртимиз 7-турда оқ доналарда мусобақа пешқадами германиялик Винсент Кеймерни мағлуб этишга муваффақ бўлди. Бу унинг нафақат ушбу турнирдаги, балки "Номзодлар турнири"дан кейинги илк ғалабаси бўлди.

Иккита турни меҳмонхонадаги ўз номерида ётган ҳолда ўтказган франциялик Алиреза Фирузджа жароҳати билан ортиқ ўйнай олмаслигини маълум қилган ва мусобақадаги иштирокини якунлаганди. Бу эса унинг кейинги рақибларига қўл келмоқда. Рақибларга тўғридан-тўғри техник ғалаба ёзиляпти. Айнан 7-турдаги рақиб Йорден ва Форест ҳам йўқ жойдан бир очколик бўлди. Олтинчи турда бу марҳаматдан кеча Жавоҳирга ютқазган Винсент Кеймер фойдаланиб қолган эди. 

Еттинчи турда ҳиндистонлик Рамешбабу Праггнанандҳа оқ доналарда ўйнаганига қарамай, америкалик Фабиано Каруанага имкониятни бой бериб қўйди. Қолган иккита партияда дуранг натижа қайд этилди. Франциялик Максим Вашье-Лаграв руминиялик Богдан-Даниэль Дик билан, нидерландиялик Аниш Гири АҚШ вакили Уэсли Со билан муросага келди.

Еттинчи турдан кейин уч нафар шахматчи 4,5 тадан очко жамғариб, турнир жадвалида қўшҳокимлик қиляпти. Фабиано Каруана қўшимча кўрсаткичларга кўра биринчи ўриндан жой олган. Кеймер иккинчи, Форест учинчи поғонани банд этган. Жавоҳир Синдаров кечаги муҳим ғалабаси эвазига очколарини 3,5 тага етказиб, қўшимча коэфицентларга кўра 5-ўринга кўтарилиб олди. Аниш Гири 4 очко билан соф 4-ўринда бормоқда. Уэсли Со, Максим Вашье-Лаграв ва Рамешбабу Праггнанандҳа ҳисобида 3,5 очкодан бор. Богдан-Даниэль Дик 2,5 очко билан 9-ўриндан жой олган бўлса, аутсайдер Алиреза Фирузджа ҳисобида 1 очко бор ва унинг мусобақани 10-ўринда якунлаши ойдинлашган.

Бугун 8-турда Жавоҳир Синдаров қора доналарда Йорден ван Форестга қарши баҳс олиб боради. Агар бугун ҳам ҳамюртимиз ғалаба қозонса, у ҳолда чемпионлик учун имконияти ошади. Учрашувлар бизнинг вақт билан соат 18:00да бошланади. Чемпион 100 000 долларни қўлга киритади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг