Чилилик теннисчи Рим "Мастерс" турнири финалида ўйнайди

Чилилик теннисчи 1/2 финалда дунёнинг 16-ракеткаси бўлиб турган америкалик Томми Полни 6/3, 6/7(3), 6/3 ҳисобида мағлубиятга учратди. Бу билан Харри теннисчиларнинг ўзаро учрашувларидаги ҳисоб мувозанатини ҳам тиклаб қўйди - 2:2. 

Икки соату 47 дақиқа давом этган баҳсда Харри 13, Пол 7 та эйс зарбасини амалга оширган. Қўшхатолар иккала теннисчида ҳам 2 тани ташкил этди. Брейклар бўйича устунлик ғолиб теннисчида бўлди - 3 га 1! 

Николас Харри "Мастерс" турнирлари финалига етиб келган иккинчи чилилик теннисчига айланди. Унгача Фернандо Гонсалес 2007 йилги Рим "Мастерс" турнири финалида ўйнаган эди. Харри душанба куни янгиланадиган ATP рейтингида 17-ўринга кўтарилиб олади. Бу унинг рейтингдаги энг юқори ўрни бўлади. Николаси Internazionali BNL d'Italia бош соврини учун германиялик Александр Зверевга қарши кортга чиқади.