11 окт 13:04
Янгиликлар

Бокс/ММА

Чимаевга қарши октагонга чиқиш истагидаги жангчи топилди

Ярим ўрта вазн тоифасида UFC чемпионлик камари учун собиқ даъвогар Даррен Тилл Хамзат Чимаев билан жангга розилик берди.

Бу ҳақида британиялик жангчи ўзининг "Твиттер" саҳифасида хабар берди.

"Рейтинг ҳеч қачон аҳамиятга эга бўлмаган. Хамзат, агар ҳалиям рақиб топа олмаган бўлсанг, мен жангга тайёрман. Фақат бироз кутиб турасан. Декабрь ойида Жек Херманссонни "йўқ" қилиб олганимдан сўнг сен билан жанг қиламан, ўғлим", — дейди Тилл.

Эслатиб ўтамиз, UFC раҳбарияти Хамзат Чимаевга рақиб топа олмаяпти. Дэмиан Майя, Стивен Томпсон ва Крис Уайдман швециялик билан жанг қилмасликларини айтишган. Тиллга келсак, у 2020 йилнинг июлида Роберт Уиттакерга ютқазиб қўйганди.