"Чимаевни иккиланишга мажбур қиламиз" - мураббий

Стрикленд UFC Fight Night 267 турнирининг марказий жангда Энтони Эрнандесни мағлуб этиб, даъвогарлик позициясини янада мустаҳкамлаган эди.

"Бизни оғир иш кутмоқда ва биз буни жуда яхши тушунамиз. Агар Чимаевнинг айрим хавфли жиҳатларини "музлата" олсак ва уни ҳужум йўналишларида, айниқса партердаги кураш борасида иккилантира олсак, бу муваффақият калитимиз бўлади.

Агар унинг кураш занжирини бузсак, уни ҳар сафар барчасини бошидан бошлашга мажбур қилсак ва ишончсизлик уйғотсак — ғалаба шу орқали келади. Унинг партерга ўтказиш уринишларини бартараф этганимиздан сўнг, Чимаев бунинг учун “ҳақ тўлаши” кераклигини ҳис қилдиришимиз лозим. Унга шундай дейиш керак: “Бу ерга чиқишга қарор қилган бўлсанг, бунинг муайян баҳоси бор", — деди Никсик Submission Radio’га берган интервьюсида.