12 ноя 11:55
Янгиликлар

Бокс/ММА

Чимаевни "шиширилган жангчи" деб аташди

UFC жангчиси Леон Эдвардс асли келиб чиқиши чеченистонлик, бир неча йилдан бери Швеция шарафини ҳимоя қилаётган Хамзат Чимаев ҳақида фикр билдирди.

"Ишончим комил, Хамзат Чимаев — сунъий равишда шиширилган жангчи. Менинг рекордим 9-0 бўлган. Мен UFC`даги жангларимнинг бирида рақибимни 8 сония ичида нокаутга учратганман. Ундаги рекорд менда ҳам бор, ҳатто ортиғи билан", — дея Леон Эдвардснинг сўзларини келтирмоқда ESPN.

Аввалроқ UFC президенти Дэна Уайт Чимаев - Эдвардс жанги юзасидан келишувга эришилганини айтган эди. Ҳозирча жангнинг аниқ санаси маълум эмас. Катта эҳтимол билан ушбу тўқнашув 19 декабрь куни бўлиб ўтади. Айрим интернет нашрларида жанг учун постер ҳам чоп этилган.

Маълумот учун, Хамзат ММАда 9 та жанг ўтказиб, барчасида ғалаба қозонган. UFC промоушенида эса 3 та жангнинг барчасини муддатидан аввал ўз фойдасига ҳал қилган.