Чирчиқда 6 та спорт турига мўлжалланган зал фойдаланишга топширилди + ФОТО

Ўзбекистон Республикаси Конституциясининг 30 йиллиги муносабати билан Чирчиқ олимпия ва паралимпия спорт турларига тайёрлаш марказида янги барпо этилган, 6 та спорт турлари учун мўлжалланган кураш спорт залининг очилиш маросими бўлиб ўтди. 

Мазкур очилиш маросимига Ўзбекистон Республикаси спортни ривожлантириш вазири маслаҳатчиси Авазжон Каримов, Ўзбекистон Миллий паралимпия қўмитаси департаменти директори Алимов Мирсардор, Чирчиқ шаҳар ҳокими ўринбосари Руфат Сайлиев, шунингдек бир қанча мутасадди ташкилот раҳбарлари ташриф буюрди. 

Кураш зали тантанали равишда Спортни ривожлантириш вазири маслаҳатчиси Авазжон Каримов томонидан очиб берилди. Тадбир давомида янги барпо этилган спорт биносининг шарт-шароитлари ва машғулот жараёнлари билан танишиб ўтилди. 

Бугунги кундаги ёшларга берилаётган имкониятлар ва шарт-шароитлар негизида келажак авлоднинг Ватанга бўлган муҳаббатини, юртимиз равнақини нуфузли мусобақаларда намоён қилиш олий мақсаддир.