Чирчиқда Ўзбек жанг санъати бўйича Ўзбекистон Кубоги ўтказилди + ФОТО

Юқори савияда ўтказилган мазкур мусобақада Қорақалпоғистон Республикаси, Тошкент шаҳри ҳамда барча вилоятлардан келган 800 нафарга яқин спортчи Ўзбек жанг санъатининг "Мерган чавандоз", "Мерган спортчи"," Темурийлар беллашуви" йўналишлари бўйича ғолиблик учун куч синашишди. 

Муросасиз ва шиддатли тарзда ўтган беллашувларнинг якуний натижаларига кўра, умумжамоа ҳисобида фахрли биринчи ўринни Тошкент вилояти жамоаси қўлга киритди. Иккинчи ўринни Сирдарё вилояти жамоаси эгаллаган бўлса, кучли учликка Тошкент шаҳри ва Жиззах вилояти спортчилари якун ясашди.

Барча вазн тоифаларида ғолиблик шоҳсупасига кўтарилган атлетлар медаль ва диплом билан тақдирланишди. 

Шунингдек, мусобақа доирасида Латвия давлатида ҳам миллий спорт туримиз Ўзбек жанг санъатини кенг ривожлантириш мақсадида мазкур спорт тури бўйича федерация ташкил этилгани ва ушбу федерацияга латвиялик Андрес Дреманис раис этиб тайинлангни муносабати билан унга Ўзбек жанг санъати федерацияси раиси Пўлат Усмонов томонидан гувоҳнома ва ташаккурнома тантанали тарзда топширилди.

Илҳом РАҲМОНОВ тайёрлади