19 мар 19:08
Янгиликлар

Гимнастика

Чусовитина Жаҳон кубоги босқичида бу сафар кумуш медалга сазовор бўлди

Хабар берганимиздек, шу кунларда Мисрнинг Қоҳира шаҳрида спорт гимнастикаси бўйича Жаҳон кубоги босқичи бўлиб ўтмоқда.

Нуфузли мусобақада Ўзбекистон терма жамоаси аъзолари муносиб иштирок этишаётгани таҳсинга лойиқ.

Жаҳон кубоги босқичида Ватанимиз шарафини Оксана Чусовитина, Оминахон Халилова, Дилдора Орипова, Расулжон Абдураҳимов, Абдулла Азимов, Ҳабибулло Эргашев, Ўткирбек Жўраев каби тажрибали ва иқтидорли спортчилар ҳисоб қилишмоқда.

Қоҳирадаги мусобақаларда жаҳоннинг 33та давлатидан энг кучли спортчилар ғолиблик учун баҳс олиб боришаяпти. Бу иштирокчилар сонининг кўплиги бўйича жаҳон кубоги босқичлари тарихидаги рекорд кўрсаткичдир.

Бироз аввал жаҳон кубогининг таяниб сакраш йўналишида финал баҳслари якунига етди. Унда спорт гимнастикаси афсонаси Оксана Чусовитина муваффақиятли қатнашди ва кумуш медалга сазовор бўлди. Табриклаймиз.