Циципас Абу-Даби турнирининг иккинчи финалчиси

Дунёнинг тўртинчи ракеткаси 67 дақиқа давом этган ярим финал учрашувида рейтингда ўзидан бир поғона юқорида бораётган норвегиялик Каспер Руудни ортиқча қийинчиликсиз мағлубиятга учратди - 6/2, 6/2.

Циципас ўзаро учрашувларда умумий ҳисобдаги ғалабасини мустаҳкамлади - 3:1. Грециялик теннисчи 10 та эйс зарбасини амалга ошириб, 4 та брейкка эришди. Бирон марта ҳам қўшхатога йўл қўймади. У бугун бош соврин учун баҳсда россиялик Андрей Рублёвга қарши кортга чиқади.