Цинциннати. Жокович - Зверев баҳсида иккинчи финалчи аниқланди

Дунёнинг иккинчи ракеткаси Новак Жокович иккинчи ярим финал учрашувида ATP рейтингида 17-ўринни эгаллаб турган германиялик Александр Зверевни қийинчилик билан мағлубиятга учратди - 7/6(5), 7/5. Теннисчиларнинг ўзаро учрашувларида ҳамон Новак олдинда бормоқда - 8:4. 

Икки соату 6 дақиқа давом этган баҳсда Зверев 10, Жокович 4 та эйс зарбани ижро этган. Қўшхатолар иккала теннисчида ҳам 3 тадан бўлди. Зверев 1, Жокович 2 та брейкни амалга оширди. Бугун тунда Новак Western & Southern Open бош соврини учун дунёнинг биринчи ракеткаси, испаниялик Карлос Алькаразга қарши кортга чиқади.