18 авг 15:32
Янгиликлар

Теннис

Цинциннати "Мастерс". Жокович 1/4 финалга йўл олди

Дунёнинг иккинчи ракеткаси Новак Жокович АҚШнинг Цинциннати шаҳрида ўтказилаётган "Мастерс" сериясига кирувчи турнирдаги юришини давом эттирмоқда.

Сербиялик теннис юлдузи учинчи даврада рейтингнинг 211-поғонасида бораётган франциялик Гаэль Монфисга деярли имконият қолдирмади - 6/3, 6/2. Теннисчиларнинг ўзаро учрашувларидаги ҳисоб янада йириклашди - 19:1.

Олтмиш тўққиз дақиқа давом этган баҳсда Жокович 1, Монфис 6 та эйс зарбани амалга оширди. Қўшхатолар Гаэлда кўпроқ бўлди - 5 га 3. Энди Новак Western & Southern Open турнирининг 1/4 финалида америкалик Тэйлор Фритцга қарши кортга чиқади.