20 авг 10:32
Янгиликлар

Теннис

Цинциннати (WTA): Мугурусанинг финалдаги рақибаси Халеп бўлади

АҚШнинг Цинциннати шаҳрида якунига етиб бораётган нуфузли теннис турнирининг яккалик баҳсларида финалчилар аниқланди.

WTA Premier 5 тоифасига кирувчи Western & Southern Open турнирининг соврин жамғармаси 2 миллион 536 минг 154 долларни ташкил қилади. Турнирнинг биринчи ракеткаси чехиялик Каролина Плишкова бироз кутилмаганда испаниялик Гарбинье Мугурусага 3:6, 2:6 ҳисобида ютқазиб қўйди.

Иккинчи ярим финал жуфтлигида эса турнирда иккинчи рақам остида таснифланган руминиялик Симона Халеп асосий тўрга имтиёзли йўлланма асосида қўйилган америкалик Слоан Стивенсдан 6:2, 6:1 ҳисобида устун келди.

Ярим финал

Гарбинье Мугуруса (Испания, 4) – Каролина Плишкова (Чехия, 1) – 6:3, 6:2

Симона Халеп (Руминия, 2) – Слоан Стивенс (АҚШ, WC) – 6:2, 6:1