Cингапурни мағлуб этган қизларимиз ЖЧ йўлланмаси учун курашишади

Қитъа чемпионатида иштирок этаётган Ўзбекистон аёллар терма жамоаси гуруҳ босқичининг учинчи турида Сингапурдан 33-16 ҳисобида устун келди. Гуруҳнинг иккинчи қарама-қаршилигида Жанубий Корея қўл тўпи усталари Гонконгни 30 тўп фарқи билан мағлуб этишди 40-10!

Кечаги ғалаба терма жамоамизга жаҳон чемпионатига йўлланма берувчи 5-8 ўринлар учун кечадиган учрашувларда майдонга тушиш имкониятини тақдим этди. Эртага қизларимиз Гонконг терма жамоасига қарши баҳс олиб боришади. Қитъа чемпионатида кучли олтиликдан жой эгаллаган терма жамоалар шу йил декабрь ойида Испанияда ўтказиладиган жаҳон чемпионати йўлланмасини қўлга киритишади.