25 май 11:59
Янгиликлар

Бокс/ММА

Цзю рақибини биринчи раунддаёқ нокаутга учратди

Австралиянинг Мельбурн шаҳрида профессионал бокс кечаси бўлиб ўтди.

"Маргарет Корт Арена"да ўтган оқшомнинг қизиқарли жангларининг бирида Никита Цзю австралиялик 21 ёшли Бенжамин Боммберга қарши рингга кўтарилди. Кичик Цзю биринчи раунд якунланишига икки дақиқа тўққиз сония қолган бир пайтда рақибини нокаутга учратди.

Никита Цзю собиқ мутлақ жаҳон чемпиони Константин Цзюнинг ўғли ҳисобланади. Бу кичик Цзю учун фаолиятидаги олтинчи ғалаба бўлди. Никита 2022 йилнинг март ойида проф боксда дебют қилган. Ўшанда у австралиялик Аарон Стални иккинчи раундда техник нокаутга учратган эди.