Дана Уайт: "Царукянни ҳайдаб юборишим мумкин эди"

UFC раҳбарининг айтишича, у Арман билан зиддиятга бормаган. Царукяннинг ўзи нима учун Жастин Гэтжи ва Пэдди Пимблетт ўртасидаги вақтинчалик чемпионлик учун жангни ололмаганини жуда яхши билади.

"У ҳали ҳам шу ерда, чунки, биласизми, мен нима қилмадим? Мен уни ҳайдамадим, у билан хайрлашмадим, гарчи қўлимдан келса ҳам. Шундай экан, биз уни ёмон кўрмаймиз ва мен у билан ҳеч қандай зиддиятга бормаганман. Арман эркак, у вазият қандайлиги, саҳна ортида нима бўлганини ўзи билади. У буни билади - биз ҳаммамиз буни биламиз. Мен ҳеч қачон бу ҳақда омма олдида гапирмайман, чунки сиз, журналистлар, кекса кампирлар каби - муҳокама қилиш ва босиш мумкин бўлган ҳамма нарсадан фойдаланасиз. Бу бизнесда кўп нарсалар содир бўлади, лекин биз буни ўзаро сақлаймиз. Вазият шундай ва Арман буни жуда яхши билади", - деди ташкилот раҳбари The MacLife’га берган интервьюсида.

Эслатиб ўтамиз, жорий йилнинг январь ойида Арман Царукян вазн ташлаш ортидан бел жароҳати туфайли Ислам Махачев билан чемпионлик жангига чиқа олмаганди. Кейин сўнгги лаҳзада UFC таклифини "ҳақорат" деб атаб, Матеуш Гамрот билан реванш жангидан бош тортган эди.

Шунга қарамай, россиялик жангчи Илия Топурия ва Чарльз Оливейра ўртасидаги чемпионлик жангини суғурта қилди ва ноябрь ойида октагонга қайтиб, кетма-кет бешинчи ғалабасини қўлга киритди. У Дэн Хукерни қўл учбурчаги билан бўғиб қўйди.