Дана Уайт Канело — Кроуфорд жанги UFC Noche турнирига ҳалақит берадими деган саволга жавоб берди

У проф бокснинг яримўрта вазнида WBA йўналиши бўйича жаҳон чемпиони Теренс Кроуфорд ва суперўрта вазн тоифасида мутлақ чемпион Сауль Альварес ўртасидаги жанг ҳамда UFC Fight Night 259 турнирининг ташкилотчилик ишларига тўхталди.

"Ўша оқшом бизда UFC Noche бор ва мен сизда бу борада жуда кўп саволларингиз борлигини биламан. Асосий воқеалар, асосий жанглар бир-бирига ҳалақит бермайди.

Сиз уларнинг иккисини ҳам томоша қилишингиз мумкин, шунинг учун Мексиканинг Мустақиллик кунидаги тарихий кечанинг бир қисми бўлиш ажойиб. Мен бу ерда эканимдан жуда бахтиёрман. Турки ал аш-Шейхга ва бу ерда бўлган иккала жангчига ҳам раҳмат. Бу ажойиб кеча, тарихий жанг кечаси бўлади", деди Уайт.

Бокс мусобақаси 13 сентябрь куни Лас-Вегасда, UFC турнири эса шу куни Сан-Антониода бўлиб ўтади.