Дана Уайт — Макгрегорнинг келажаги ҳақида: "Агар ютса бешта, ютқазса учта сценарий бор"

"Агар Конор шанба оқшомида ғалаба қозонса, ҳамма нарса бўлиши мумкин. Шанба куни ким ютмасин, бу катта ғалаба ва фаолиятидаги муҳим қадам бўлади, айниқса ҳозирги вазиятда. Бу икки жангчи аллақачон спортда ҳамма нарсага эришган.

Конор ғалаба қозонса, хаёлимда тахминан бешта сценарий бор. Макс ютса, унга оид учта вариант мавжуд. Шунинг учун бу жанг ҳар иккиси учун ҳам жуда муҳим.

Менга бу спортда ёқадиган жиҳат — кутилмаган воқеалар. Масалан, Оқ уйда турнир ўтказилишини ким кутганди? Бу содир бўлишини ким билганди?

Мен ҳам бу жангни кутмаганман. Ўтган йили Конор жанг қилади деб ўйлагандим, аммо у октагонга чиқмади. Кейин эса умуман қайтмайди, деб ўйладим. Бу спортни қизиқарли қиладиган нарса ҳам шу. Йилнинг қолган қисми қандай кечиши ҳақида тасаввуримиз бор, аммо биз кутмаган воқеалар ҳам рўй беради", — деди Уайт.