Дана Уайт Оқ уй учун амалга ошмай қолган супержанг ҳақида гапирди

"Сирил Ган Том Аспиналл билан дарҳол чемпионлик имкониятини қўлга киритиши керак эмас эди. Аммо оғир вазн тоифасидаги амалдаги UFC чемпионининг кўзлари билан боғлиқ муаммолар французнинг шу дам олиш кунлари вақтинчалик чемпионлик унвони учун Алекс Перейра билан жанг қилишига олиб келди, ваҳоланки, у Оқ уй олдида британиялик ва бразилияликнинг жангини ташқаридан кузатиши керак эди.

Бу ҳақда лига президенти Дана Уайт ТНТ Sports’га берган интервьюсида маълум қилди.

"Юз фоиз. Айнан шу жанг, Аспиналлнинг Перейрага қарши жанги, агар у соғлом бўлганида, шу дам олиш кунлари бўлиб ўтарди. Ҳозир кўплаб чемпионларимиз жароҳат олган. Шунинг учун вазият бироз ноодатий - бундай жангларни ташкил этишда кўплаб омилларни ҳисобга олишга тўғри келади: муддатлар, жангчилар ҳаётидаги вазиятлар, жароҳатлар ва бошқа кўплаб омиллар. Лекин ҳа, бу Том бўлиши керак эди", - деди ташкилот раҳбари.