Дана Уайт Шон Стрикленднинг боксда ўзини синаб кўриш истагига муносабат билдирди

"Менимча, ММАдан боксга ўтиш ҳеч қачон яхши натижа билан якунланмайди. Аммо Стрикленд бақувват йигит ва зарбаларни яхши беради", — деди Уайт Power Slap лойиҳасида Нина Драмага берган интервьюсида.

Ундан Стрикленднинг Zuffa Boxing промоушенида крузер вазн тоифаси чемпиони Жей Опетайяга қарши жангда имкониятлари бор-йўқлиги сўралганда, Уайт: "Йўқ", — деб жавоб берди.

Стрикленд ҳозирда гонорарлар масаласида UFC билан очиқ баҳс олиб бормоқда. У ижтимоий тармоқларда амалдаги шартлардан норози эканини ва Насурдин Имомовга қарши реванш учун таклиф қилинган гонорар оширилишини хоҳлашини маълум қилган. Ўрта вазн чемпиони, шунингдек, чемпионлик камаридан воз кечиб, боксда ўз кучини синаб кўришга тайёрлигини билдирган.

Бироқ Стрикленд UFC билан шартнома асосида боғланган. Шу сабабли промоушен унга ўзи истаган миқдорда қўшимча ҳақ тўлашга мажбур эмас.