03 фев 15:18
Янгиликлар

Бокс/ММА

Дана Уайт: "Трешток учун жарима тўлаш ва четлатиш - бу аҳмоқлик"

UFC президенти Дана Уайт Невада спорт комиссиясининг трешток учун четлатиш қарорини аҳмоқлик ва конституцияга зид деб атади.

"Бу аҳмоқлик. Энг аввало, бу конституцияга зид. Қонун бўйича бундай тақиқ қўйиш мумкин эмас. Йигитлар октагонга бир-бирини дўппослаш учун чиқадилар. Улар жанг қиладилар, аммо гапириш мумкин эмасми? Бу кулгили.

Гапиргани учун четлатиш ёки жарима тўлатиш ғалати", - деди Уайт.

Эслатиб ўтамиз, сешанба куни Невада спорт комиссияси UFC 229 дан кейин юзага келган тартибсизликлардан сўнг Конор Макгрегор, Хабиб Нурмагомедов ва унинг укаси Абубакарни, спарринг-ҳамкори Зубайра Тухугов ишини кўриб чиқди. Комиссия раиси жанглар олдидан амалга ошириладиган трештоклардан норози ва бунга қарши курашиш истагида эканлигини айтганди.