Дана Уайт UFC тарихидаги энг буюк қарама-қаршилик қайси эканлигини айтди: бу Хабиб — Конор эмас!

UFC президенти Дана Уайт Жон Жонс ва Даниэль Кормье ўртасидаги рақобатни ташкилот тарихидаги энг буюк қарама-қаршилик деб атади.

"Шубҳасиз, Жон Жонс ва Даниэль Кормье ўртасидаги қарама-қаршилик — мен ташкил қилганлар ичида энг буюгидир. Уларнинг биринчи жанжали MGM Grand меҳмонхонаси вестибюлида бўлиб ўтган. Ҳа, ўшанда [Дэйв] Шоллер ҳаммасини бузиб қўйган эди. Икки йигитнинг ўртасида турганингда энг қийин жиҳат — яхши сурат чиқариш эмас, балки улар бир-бирига тегиб кетмаслиги, ҳурматсизлик қилмаслигига ишонч ҳосил қилишдир. Агар улардан бири ўзини ҳақоратланган деб ҳис қилса, жавоб қайтаради. Ва бу пайтда сен ким эканинг улар учун аҳамиятсиз бўлади", — деди Уайт Bloody Elbow порталига.