Дана Уайт ярим ўрта вазнда даъвогарлик жангини эълон қилди

Уайт жанглардан қайси бирининг ғолиби ушбу вазн тоифасида кейинги чемпионлик имкониятини қўлга киритишини маълум қилди.

Ташкилот раҳбарининг сўзларига кўра, биринчи рақамли даъвогар UFC 322 турнирининг учинчи муҳим воқеаси мақомидаги тўқнашув - америкалик Шон Брэди ва эквадорлик Майкл Моралес ўртасидаги жангда аниқланади.

"Ҳа, айнан шундай", деб жавоб берди Уайт Нью-Йоркдаги матбуот анжуманида журналистнинг тегишли саволига жавобан.

Айни пайтда Шон Брэди ва Майкл Моралес UFC’нинг ярим ўрта вазн тоифасидаги рейтингида мос равишда иккинчи ва саккизинчи поғоналарни эгаллаб турибди.

Ушбу қарама-қаршиликдан ташқари, Леон Эдвардс Карлос Пратесга, Белал Муҳаммад Ян Мачадо Гаррига қарши жанглар ғолиблари ҳам дивизионда чемпионлик имкониятини қўлга киритиши мумкинлиги эҳтимолдан йирқ эмас. Биринчи кўрсатилган жанг 15 ноябрь куни Нью-Йоркда, иккинчиси эса бир ҳафтадан сўнг Қатардаги турнир доирасида бўлиб ўтади.