Дани Алвеш қамоқдан чиқди

Эслатиб ўтамиз, суд зўрлашда айбланиб, 4,5 йилга қамалган "Барселона" собиқ ҳимоячисини 1 млн. евро гаров эвазига озод қилишга рози бўлган эди. Аммо футболчининг паспорти олиб қўйилади ва у ҳар ҳафта судда кўриниш бериб туриши лозим. Бугун бразилиялик 1 млн. евро тўлади.

Алвеш қамоқдан ўз адвокати Инес Гвардиола ҳамроҳлигида чиқди. Чиқиш эшиги олдида футболчининг озод бўлишига қаршилар турган эди. Дани журналистларга ҳеч нарса демади. Олдинроқ, Алвеш гаров пулини тўлаш учун кредит олмоқчилиги айтилган эди.