Даниил Медведев Новак Жоковични мағлуб этиб, Дубай турнири финалига чиқди

Тунирининг ярим финалида сайёрамизнинг биринчи ракеткаси сербиялик Новак Жокович ва АТР рейтингида 7-ўринни эгаллаб турган россиялик Даниил Медведев тўқнаш келди. 

Бир соату 36 дақиқа давом этган учрашувда Медведев Жоковични 6/4, 6/4 ҳисобида мағлуб этиб, финалга йўл олди. Ўйин давомида Медведев 8та эйс зарбасини амалга ошириб, бир марта қўшхатога йўл қўйди ва 4 брейк-пойнтнинг 3тасидан унумли фойдаланди. Жокович эса 5та эйс, 1 тадан қўшхато ва брейк қайд этди. Спортчиларнинг ўзаро учрашувларида Даниил ҳисобни қисқартирди, 5-9 (Жокович фойдасига). 

Энди Дубайдаги турнирнинг бош соврини учун икки россиялик теннисчи кураш олиб боради. Финалда Даниил Медведев ҳамюрти Андрей Рублёвга қарши кортга чиқади.