Дастин Порье фаолиятини якунлаши мумкин

Агар Порье чемпионлик жангида Чарльз Оливейрани мағлубиятга учратса, ўзининг ММАдаги профессионал фаолиятини якунлайди. Бу ҳақида унинг ўзи Daily Mail нашрига берган интервьюсида маълум қилди.

"Фаолиятимнинг илк давридаёқ асосий мақсадим чемпионлик камарини қўлга киритиш, жаҳон чемпиони бўлиш эди. Агар бу вазифани уддаласам, октагонда қиладиган ишим қолмайди. Катта эҳтимол билан Оливейрага қарши жангдан сўнг кетаман ва фаолиятимни соус сотиш билан давом эттираман", - деди Порье. 

Ҳали Оливейрага қарши чемпионлик жанги расман эълон қилинмаган бўлса-да, Дастин рақибни ўрганиш ва жангга тайёргарлик жараёнини бошлаб юборган.

"Оливейра хавфли жангчи. У енгил вазн тоифаси учун бўйи баланд жангчи ҳисобланади. Шуниси ҳам рақибларга қийинчилик туғдиради. Унинг зарба техникаси жуда мукаммал. Ўйлашимча, у айни пайтда UFC промоушенидаги энг кучли джитсер. Чарльз ҳужумни яхши кўради. Джиу-джитсудан ҳимоя учун эмас, айнан ҳужум мақсадида фойдаланади. Энг муҳими, унда UFC`даги иштирок бўйича бой тажриба бор", - деди Порье.