03 май 09:07
Янгиликлар

Бокс/ММА

Дастин Порье кимга қарши жанг қилмоқчи эканини айтди

Енгил вазнда чемпионлик учун собиқ даъвогар Дастин Порье октагонда ким билан тўқнаш келиш истагида эканини маълум қилди.

Дастин шу якшанба тонгида ўтказиладиган Майкл Чендлер - Тони Фергюсон жанги ғолибини ўзига рақиб сифатида кўрмоқда. Бу ҳақда америкалик жангчи ижтимоий тармоқдаги саҳифасида хабар берди.

"Катта эҳтимол билан шундай бўлади", - деди "Бриллиант".

Эслатиб ўтамиз, Майкл Чендлер - Тони Фергюсон жанги бизнинг вақт билан 8 май тонгида АҚШнинг Аризона штати Финикс шаҳрида ўтказиладиган UFC 274 турнирининг асосий кардидан ўрин олган учинчи жанг ҳисобланади.

Дастин Порье сўнгги бор ўтган йилнинг декабрь ойида октагонда кўриниш берган ва ўшанда чемпион Чарльз Оливейрага имкониятни бой бериб қўйган эди.