Дастин Порье тез орада октагонга қайтишини айтди

Америкалик аралаш яккакураш устаси бир ой олдин даъвогарлар жангида ҳамюрти Жастин Гэтжига муддатидан аввал имкониятни бой бериб қўйган эди. 

"Йил охиригача октагонга қайтаман", - деди "Бриллиант" ўзининг ижтимоий тармоқдаги саҳифасида. 

Дастин 29 июль куни Солт-Лейк-Сити шаҳрида ўтган UFC 291 турнирининг марказий жангида Жастин Гэтжига қарши октагонга кўтарилганди. Жангнинг иккинчи раундида Жастин оёқда аниқ ва кучли зарба йўллаб, рақибини нокаутга учратган эди. BMF камарини қўлга киритган Гэтжи аввалги мағлубияти учун ҳам муносиб реванш олишга муваффақ бўлганди. Айни пайтда унда  Ислам Махачев ва Чарльз Оливейра ўртасидаги чемпионлик жанги ғолибига қарши октагонга чиқиш ҳуқуқи бор.

Ўша жангдан кейин Порье кейинги жангини яримўрта вазн тоифасида ўтказиш истагида эканини маълум қилган эди. Ҳозирда Дастин UFC енгил вазнлилар рейтингида учинчи ўринни эгаллаб турибди.